Andhra Pradesh : ఆంధ్రప్రదేశ్‌లో పలు డివిజన్లలో రేషన్ డీలర్ల నియామకానికి సంబంధించిన ప్రకటన వెలువడింది. అభ్యర్థులు అప్లయ్‌ చేసుకునే ప్రక్రియ కూడా ప్రారంభమైంది. వివరాల్లోకెళ్తే..
ప్రధానాంశాలు:
- ఏపీ రేషన్ డీలర్స్‌ రిక్రూట్‌మెంట్‌ 2024
- చీరాల, రేప‌ల్లె రెవెన్యూ డివిజన్లలో నియామకం
- మొత్తం 192 ఖాళీల భర్తీకి ప్రకటన
- నవంబర్ 28 దరఖాస్తులకు చివరితేది
హైలైట్స్ చదవాలంటే యాప్‌ను డౌన్‌లోడ్ చేసుకోండి
రేప‌ల్లి రెవెన్యూ డివిజ‌న్ ప‌రిధిలో ఖాళీగా ఉన్న 46 రేషన్ డీల‌ర్లు, మూడు విభజిత దుకాణాలు మొత్తం 49 రేషన్ డీల‌ర్లు, దుకాణాల భర్తీకి నోటిఫికేష‌న్ విడుద‌ల చేసిన‌ట్లు ఆర్డీవో నేల‌పు రామ‌ల‌క్ష్మి తెలిపారు. రేప‌ల్లె మండ‌లంలో 8, న‌గ‌రంలో 8, చుండూరులో 8, చెరుకుప‌ల్లిలో 6, నిజాంప‌ట్నంలో 5, భ‌ట్టిప్రోలులో 5, అమ‌ర్త‌లూరులో 3, కొల్లూరులో 3, వేమూరులో 3 ఖాళీలను భర్తీ చేయనున్నారు. అలాగే చీరాల రెవెన్యూ డివిజ‌న్ ప‌రిధిలోని ప‌ది మండ‌లాల్లో 139 రెగ్యుల‌ర్ డీల‌ర్ షాప్‌లు, 4 కొత్త షాప్‌లు మొత్తం 143 రేషన్ దుఖాణాలు, డీలర్ల నియామకానికి ద‌ర‌ఖాస్తులు ఆహ్వానిస్తున్న‌ట్లు చీరాల ఆర్డీవో పి.చంద్ర‌శేఖ‌ర్ నాయుడు వెల్లడించారు.
విద్యార్హతలివే :
రేప‌ల్లి రెవెన్యూ డివిజ‌న్ ప‌రిధిలో ఖాళీగా ఉన్న రేషన్ డీల‌ర్లు, విభజిత దుకాణాల భర్తీ చేయ‌డానికి ఇంటర్మీడియట్ విద్యా అర్హ‌త‌గా నిర్ణ‌యించారు. డీల‌ర్ పోస్టుకు, దుకాణానికి దరఖాస్తు చేసే అభ్యర్థులు సొంత గ్రామానికి చెందిన వారై ఉండాలి. వీరికి ఎలాంటి పోలీసు కేసులు ఉండ‌కూడ‌దు. అలాగే.. చ‌దువుకుంటున్నవారు, విద్యావాలంటీర్లు, ఏఎన్ఎంలు, కాంట్రాక్టు ఉద్యోగులుగా ప‌ని చేస్తున్న‌వారు, ఆశ కార్య‌క్త‌లు దరఖాస్తు చేసుకోవడానికి అన‌ర్హులు. అలాగే వ‌య‌స్సు 18 నుంచి 40 ఏళ్ల మ‌ధ్య ఉండాలి. రిజ‌ర్డ్వ్ కేట‌గిరీకి చెందిన అభ్య‌ర్థుల‌కు ఆంధ్రప్రదేశ్‌ ప్ర‌భుత్వం నిర్ణ‌యించిన ప్రకారం మిన‌హాయింపు ఉంటుంది.
దరఖాస్తు విధానం:
రేప‌ల్లె, చీరాల రెవెన్యూ డివిజ‌న్ల‌కు సంబంధించి డీలర్ల పోస్టుల భర్తీకి ద‌ర‌ఖాస్తుల‌ను ఆయా ఆర్డీవో కార్యాల‌యాల్లో సమర్పించాలి. నవంబర్ 28వ తేదీ లోపు ద‌ర‌ఖాస్తును సమర్పించాలి. ద‌ర‌ఖాస్తుతో పాటు సంబంధిత స‌ర్టిఫికెట్లు జ‌త చేయాల్సి ఉంటుంది. ఇత‌ర వివ‌రాల కోసం రేప‌ల్లె, చీరాల ఆర్డీవో కార్యాల‌యాల‌ను సంప్ర‌దించాల్సి ఉంటుంది.
దరఖాస్తుకు జ‌త చేయాల్సిన ధ్రువీక‌ర‌ణ ప‌త్రాలు ఇవే:
- 10వ తరగతి, ఇంటర్మీడియట్ ఉత్తీర్ణ‌త స‌ర్టిపికెట్లు
- వ‌య‌స్సు ధ్రువీక‌ర‌ణ ప‌త్రం
- నివాస ధ్రువీక‌ర‌ణ ప‌త్రం (ఓట‌రు కార్డు, ఆధార్ కార్డు, పాన్ కార్డు ఏదైనా ప‌ర్వాలేదు)
- మూడు పాస్‌పోట్ సైజ్ పోటోలు
- కుల ధ్రువీక‌ర‌ణ ప‌త్రం
- నిరుద్యోగిగా ఉన్న‌ట్లు స్వీయ ధ్రువీక‌ర‌ణ ప‌త్రం
- దివ్యాంగుల కేట‌గిరికి చెందిన వారైతే సంబంధిత స‌ర్టిఫికెట్లు జ‌త చేయాలి.
పూర్తి షెడ్యూల్ ఇదే:
- దరఖాస్తులకు చివరితేది: నవంబర్ 28, 2024
- దరఖాస్తుల పరిశీలన : నవంబర్ 29, 2024
- అర్హుల జాబితా ప్రకటన : నవంబర్ 29, 2024
- ఎంపికైన వారికి రాతపరీక్ష : డిసెంబర్‌ 2, 2024
- రాత ప‌రీక్ష‌ల ఫ‌లితాలు : డిసెంబర్‌ 3, 2024
- అర్హ‌త సాధించిన వారికి ఇంటర్వ్యూల నిర్వహణ : డిసెంబర్‌ 5, 2024
- తుది జాబితా వెల్లడి: డిసెంబర్‌ 6, 2024
