సెంట్రల్ ఎలక్ట్రానిక్స్ లిమిటెడ్ తాజాగా ఉద్యోగ ప్రకటన విడుదల చేసింది. ఈ పోస్టులకు సంబంధించిన దరఖాస్తు ప్రక్రియ కూడా ఇప్పటికే ప్రారంభమైంది. వివరాల్లోకెళ్తే..
CEL Recruitment 2024 : కేంద్ర ప్రభుత్వ ఆధ్వర్యంలో పనిచేస్తున్న ఘజియాబాద్ (యూపీ)లోని శాస్త్ర, సాంకేతిక మంత్రిత్వ శాఖకు చెందిన సెంట్రల్ ఎలక్ట్రానిక్స్ లిమిటెడ్ (Central Electronics Limited) జాబ్‌ నోటిఫికేషన్‌ విడుదల చేసింది. ఈ ప్రకటన ద్వారా 19 టెక్నికల్ రెగ్యులర్ పోస్టుల భర్తీకి దరఖాస్తులు కోరుతోంది. ఈ పోస్టులకు సంబంధించి రాత పరీక్ష, డాక్యుమెంట్ వెరిఫికేషన్, ట్రేడ్ టెస్ట్/ ప్రాక్టికల్ ఎగ్జామినేషన్, మెడికల్ ఎగ్జామినేషన్ ఆధారంగా అభ్యర్థుల ఎంపిక ఉంటుంది. అర్హులైన అభ్యర్థులు డిసెంబర్‌ 22వ తేదీలోగా ఆన్లైన్ విధానంలో దరఖాస్తు చేసుకోవాలి. అభ్యర్థులు పూర్తి వివరాలకు, అప్లయ్‌ చేసుకోవడానికి వెబ్‌సైట్‌ చూడొచ్చు.
మొత్తం పోస్టుల సంఖ్య : 19
- జూనియర్ టెక్నికల్ అసిస్టెంట్ పోస్టులు : 12
- టెక్నీషియన్ బి పోస్టులు : 07
ఇతర ముఖ్యమైన సమాచారం :
- విద్యార్హతలు: పోస్టులను బట్టి పదో తరగతి, ఐటీఐ (ఎలక్ట్రికల్/ ఎలక్ట్రానిక్స్/ మెషినిస్ట్), డిప్లొమా/ బీఎస్సీ (ఎలక్ట్రికల్ ఇంజినీరింగ్, ఎలక్ట్రానిక్స్ ఇంజినీరింగ్, మెకానికల్ ఇంజినీరింగ్) ఉత్తీర్ణతతో పాటు పని అనుభవం ఉండాలి.
- గరిష్ఠ వయో పరిమితి: అక్టోబర్‌ 31, 2024 నాటికి 25 సంవత్సరాలు మించకూడదు.
- పే స్కేల్: జూనియర్ టెక్నికల్ అసిస్టెంట్‌కు రూ.22,250- 75,000.. టెక్నీషియన్ బీకి రూ.19,000- 60,000 వేతనం ఉంటుంది.
- ఎంపిక విధానం: రాత పరీక్ష, డాక్యుమెంట్ వెరిఫికేషన్, ట్రేడ్ టెస్ట్/ ప్రాక్టికల్ ఎగ్జామినేషన్, మెడికల్ ఎగ్జామినేషన్ ఆధారంగా అభ్యర్థుల ఎంపిక ఉంటుంది.
నోటిఫికేషన్‌
ఇంకా..
- దరఖాస్తు ఫీజు: రూ.1000 ఫీజు చెల్లించాల్సి ఉంటుంది. ఎస్సీ, ఎస్టీ, దివ్యాంగులు, ఎక్స్‌ సర్వీస్‌మెన్‌ అభ్యర్థులకు ఫీజు చెల్లింపు నుంచి మినహాయింపు ఉంటుంది.
- దరఖాస్తు విధానం : ఆన్లైన్ విధానంలో అప్లయ్‌ చేసుకోవచ్చు.
- ఆన్లైన్ దరఖాస్తులు ప్రారంభ తేది: నవంబర్‌ 23, 2024
- ఆన్లైన్ దరఖాస్తులకు చివరి తేదీ: డిసెంబర్‌ 22, 2024.
