UPSC Calendar 2025 : యూపీఎస్సీ పరీక్షల సవరించిన పరీక్షల షెడ్యూల్‌ను విడుదల చేసింది. ఇప్పటికే రెండు సార్లు ఈ షెడ్యూల్‌ను సవరించిన కమిషన్.. తాజాగా రివైజ్డ్ టైమ్‌టేబుల్‌ను ప్రకటించింది. వివరాల్లోకెళ్తే..
UPSC Exam Calendar 2025 : యూనియన్ పబ్లిక్ సర్వీస్ కమిషన్ (UPSC) ప్రతీయేటా అఖిల భారత సర్వీసు పరీక్షలు నిర్వహిస్తున్న సంగతి తెలిసిందే. అయితే 2025-26 సంవత్సరానికి సంబంధించి ఇటీవల కేంద్ర ప్రభుత్వంలోని వివిధ విభాగాలు, శాఖల్లో పలు ఉద్యోగాలకు నియామక పరీక్షల తేదీలు ప్రకటించింది. అయితే కొన్ని కారణాల వల్ల ఆ తేదీలను మార్చుతూ 2025లో నిర్వహించే వార్షిక పరీక్షల రివైజ్డ్ షెడ్యూల్‌ను తాజాగా విడుదల చేసింది. ఇప్పటికే రెండు సార్లు పరీక్షల తేదీలను మార్చిన యూపీఎస్సీ కమిషన్.. మూడోసారి కొత్త షెడ్యూల్‌ను విడుదల చేసింది.
ఈ తాజా క్యాలెండర్ ప్రకారం.. eసివిల్ సర్వీసెస్ (ప్రిలిమ్స్), ఐఎఫ్‌ఎస్‌ (ప్రిలిమ్స్) ఎగ్జామ్ నోటిఫికేషన్‌ వచ్చే ఏడాది జనవరి 22వ తేదీన విడుదల కానుంది. ఫిబ్రవరి 11వ తేదీలోగా ఆన్‌లైన్‌ దరఖాస్తు ప్రక్రియ ముగుస్తుంది. వఅలాగే.. మే 25న ప్రిలిమినరీ పరీక్ష జరుగుతుంది. అనంతరం ఆగస్టు 22వ తేదీన మెయిన్స్‌ పరీక్షలు జరుగుతాయి. ఇక ఇంజినీరింగ్‌ సర్వీసెస్ (ప్రిలిమినరీ) ఎగ్జామ్ 2025 నోటిఫికేషన్‌ సెప్టెంబర్‌ 18వ తేదీన విడుదల కానుంది. అనంతరం జూన్‌ 8న రాత పరీక్ష ఉంటుంది. అలాగే..
యూపీఎస్సీ 2025 రివైజ్డ్ పరీక్షల షెడ్యూల్‌ ఇదే :
- సివిల్ సర్వీసెస్(ప్రిలిమ్స్), ఐఎఫ్‌ఎస్‌(ప్రిలిమ్స్) ఎగ్జామ్- మే 25, 2025
- ఎన్‌డీఏ అండ్‌ ఎన్‌ఏ, సీడీఎస్‌ ఎగ్జామ్(1)- ఏప్రిల్ 13, 2025
- ఇంజినీరింగ్‌ సర్వీసెస్(ప్రిలిమ్స్) ఎగ్జామ్- జూన్‌ 8, 2025
- కంబైన్డ్‌ జియో-సైంటిస్ట్‌(ప్రిలిమ్స్)- ఫిబ్రవరి 09, 2025
- సీఐఎస్‌ఎఫ్‌ ఏసీ(ఈఎక్స్‌ఈ) ఎల్‌డీసీఈ పరీక్ష- మార్చి 09, 2025
- ఐఈఎస్‌/ ఐఎస్‌ఎస్‌ ఎగ్జామ్- జూన్‌ 20, 2025
- కంబైన్డ్‌ మెడికల్‌ సర్వీసెస్ ఎగ్జామ్- జులై 20, 2025
- సీఏపీఎఫ్‌(ఏసీ) ఎగ్జామ్- ఆగస్టు 03, 2025
- ఎన్‌డీఏ అండ్‌ ఎన్‌ఏ, సీడీఎస్‌ ఎగ్జామ్(2)- సెప్టెంబర్‌ 14, 2025
- ఎస్‌వో/ స్టెనో(జీడీ-బి/జీడీ-1) ఎల్‌డీసీఈ- డిసెంబర్ 13, 2025
UPSC IFS Mains 2024 : ఐఎఫ్‌ఎస్‌ మెయిన్స్‌ అడ్మిట్‌కార్డులు విడుదల
ఇండియన్ ఫారెస్ట్ సర్వీసెస్ ఎగ్జామినేషన్ (ఐఎఫ్‌ఎస్‌)-2024 ప్రధాన పరీక్ష అడ్మిట్‌ కార్డులను యూనియన్ పబ్లిక్ సర్వీస్ కమిషన్ (యూపీఎస్సీ) విడుదల చేసింది. దరఖాస్తు చేసుకున్న అభ్యర్థులు రిజిస్ట్రేషన్‌ నంబర్‌, పుట్టినతేదీ వివరాలను ఎంటర్‌ చేసి అడ్మిట్‌ కార్డులు డౌన్‌లోడ్‌ చేసుకోవచ్చు. ఈ పరీక్షలు నవంబర్‌ 24, 25, 26, 27, 28, 29, 30, డిసెంబర్ 1 తేదీల్లో రోజుకు రెండు సెషన్లలో జరగనున్నాయి. ఈ నోటిఫికేషన్‌ ద్వారా ఇండియన్ ఫారెస్ట్ సర్వీసులో 150 ఉద్యోగాలు భర్తీ కానున్నాయి. ప్రిలిమినరీ ఎగ్జామినేషన్, మెయిన్ ఎగ్జామినేషన్, పర్సనాలిటీ టెస్ట్ ఆధారంగా అభ్యర్థులను ఎంపిక చేస్తారు.
